प्रहरी दिवस २०७५ विशेष कार्यक्रम सम्पन्न

६३ औ प्रहरी दिवसको अवसरमा ४ नम्बर प्रदेश प्रहरी कार्यालय पोखराको आयोजनामा क्षेत्रीय सशस्त्र प्रहरी गण पोखरामा ४ नं. प्रदेशका मुख्यमन्त्री पृथ्वी सुब्बा गुरुङको प्रमुख आतिथ्यतामा अमर प्रहरी प्रति श्रदाञ्जली तथा पुनरमिलन कार्यक्रम  सम्पन्न भएको छ ।

अपेक्षा फलको छैन सधै कर्तव्य चिन्तन, आहुती प्राणको दिने तिमीमा अभिनन्दन भन्ने मुल भावनाले कर्तव्य पालनाका शिलसिलामा प्राणको आहुति दिने अमर प्रहरीहरुप्रति उँहाहरुको त्याग र वलिदान लाई सम्मान गर्दै अमर प्रहरी स्मारकमा पुष्पहार तथा शोक सलामी अर्पण गरिएको छ ।

कार्यक्रममा प्रमुख अतिथि मुख्यमन्त्री पृथ्वी सुब्बा गुरुङले समयको परिवर्तन संगै आम नागरिकले नेपाल प्रहरी आफ्नो सबैभन्दा नजिकको साथी हो भन्ने महुशुस गरिसकेको बताउदै यसलाई जिवन्तता दिन प्रहरीले थप जनलक्षित गतिविधि गर्न आवस्यक रहेको बताउनुभयो ।

साथै उहाँले विज्ञान र प्रविथिको विकास संगै समाजमा नयाँ खालका अपराधहरु घट्ने गरेको  बताउदै त्यसलाई निस्तेज पार्न नेपाल प्रहरी संगठनलाई वैज्ञानिक स्रोत साधन र दक्षताले सम्पन्न गराउनुको विकल्प नरहेको बताउनुभयो ।

समारोहमा ४ नं. प्रदेश आन्तरिक मामिला तथा कानून मन्त्री हरि बहादुर चुमानले नेपाल प्रहरी संगठन भित्र सक्षंता र दक्षताको कुनै कमि नभएको बताउदै यसलाई यसलाई थप आधुनिकिनरण र स्रोत साधनले सम्पन्न गराउन आवास्यक रहेको बताउनुभयो ।

साथै ४ नं. प्रदेश प्रहरी प्रमुख प्रहरी नायव महानिरीक्षक दान सिंह बोहराले  सेवा प्रवाहाका शिलसिलामा आफ्नो प्राणको आहुती दिनुहुने सम्पुर्ण अमर प्रहरीप्रति श्रद्धा सुमन अर्पण गर्दै संघियताको कार्यान्वयन संगै राष्ट्रको संस्थागत र प्रशासनिक विकासका क्रममा समाजमा आईपर्ने जस्ता सुकै चुनौतीहरुलाई पनि समना गर्न नेपाल प्रहरी हरदम तयार रहेको बताउनुभयो ।

प्रहरी दिवसको अवसरमा सञ्चालन गरिएको विभिन्न खेलकुद प्रतियोगितामा बिजयी खेलाडीहरुलाई पुरस्कार वितरण गर्नुका साथै शान्ति सुरक्षा अमनचयन कायम गर्ने प्रहरीको मुलभुत कार्यमा उल्लेखनीय योगदान पुर्‍याउने तथा विभिन्न विद्यामा उत्कृष्ट काम गर्ने ब्यक्ति र प्रहरी कर्मचारीहरुलाई नगद पुरस्कार तथा कदर पत्र समेत प्रदान गरिएको थियो ।

कार्यक्रममा अन्य सुरक्षा निकायका प्रमुखहरु, अमर प्रहरी परिवारहरु, पूर्व प्रहरी संगठनका पदाधिकारीहरु, नेपाल प्रहरी श्रीमती संघ, सामुदायिक सेवा केन्द्रका पदाधिकारीहरु, पत्रकारहरु, मानवअधिकारर्की लगायत विभिन्न कार्यालयका प्रहरी कर्मचारीहरुको सहभागीता रहेको थियो ।

63 police day 6

63 police day 3

63 police day 7

63 police day 2

63 police day 5

63 police day 1